Zanzibar ipo hatarini kukosa asali kutokana na nyuki kukimbia kwa kukosa makazi

Wakulima na Wafugaji wa nyuki  katika mkoa wa kusini unguja wamesema  Zanzibar ipo hatarini kupoteza  rasilimali nyuki kutokana na uharibifu mkubwa  wa ukataji  misitu unaofanywa na baadhi ya wananchi.

Akizungumza mara baada ya zacca kufanya ziara katika kuwakagua wafugaji wa nyuki  huko Kitogani Mwenyekiti wa Jumuiya ya ufugaji wa nyuki Zaba  Salum Rashid Juma amesema nyuki wamekuwa na faida kubwa katika uzalishaji wa asali lakini  uwepo wa athari za mabadiliko ya tabianchi  kumesababisha nyuki kutoweka na kupunguza uzalishaji wake jambo linalowapa wakati mgumu wafugaji mbalimbali katika kukabiliana na matatizo hayo kwani hupoteza kipato chao.

Hata hivyo ametoa wito kwa serikali kuona umuhimu wa kuelimisha jamii hasa wa vijijini wanaotegemea  rasilimali msitu msitu  kwa shughuli zao za kujikimu kimaisha,kupanda miti na kutafuta njia mbadala ya kujiendeleza kiuchumi ili msitu kubaki kuwa hadhina na kuwa makaazi ya wadudu wakiwemo nyuki na vipepeo kwa maendeleo ya Zanzibar.

Bei ya asali imekuwa ikiuzwa lita Elfu 30 hadi 40 ambayo hutumika kwa matumizi mbalimbali ikiwemo chakula,dawa na mambo mengine.

Na: Amina Omar Zanziabr24.