Z anto aahidi kuwa juu

Msanii wa muziki, Z Anto amedai hana sababu ya kupitia njia ambazo wanapita wasanii Diamond na Alikiba ambao wanaangaliwa zaidi kwa sasa.

 

Z Anto ambaye amewahi kuwika na wimbo kama ‘Binti Kiziwi’,  ametafuta njia ya kutoboa katika muziki wake bila kuiga aina ya muziki wanayopiga Diamond na Ali Kiba.

“Mimi ni mkongwe kwenye huu muziki na bado nina nafasi ya kufanya mambo makubwa zaidi,” alisema Z Anto. “Najua kwa sasa Diamond na Alikiba ndio wasanii wanaozungumziwa zaidi lakini mimi sina haja ya kushindana nao muziki wangu nitaupitisha katikati yao,”

Muimbaji huyo ambaye pia ni mfanyabishara amedai kwa sasa anakuja na management yake mpya ambayo itaikabidhi jukumu la kuusimamia muziki wake.