Rais akubali kufutwa kazi kwa Walimu 20,000 waliofeli mtihani wa wanafunzi wao

Rais wa Nigeria Mohammadu Buhari ameunga mkono mpango wa kuwafuta kazi zaidi ya walimu 20,000 ambao walifeli mitihani wa darasa la nne katika jimbo la kaskazini la Kaduna na kusema hali hiyo ni mbaya.

“Ni jambo la kusikitisha kuwa walimu hawezi kupita mitihani ambayo wanastali kuwafunza watoto, ni jambo baya sana.”

Gavana wa jimbo hilo wiki iliyopita alichapisha makaratasi yaliyokuwa yamesahihishwa kwenye mtandao wa Twitter akisema kuwa walimu hao walikuwa wamefeli mtihani wa darasa la nne ambao unastahili kufanywa na wanafuzi wa umri wa miaka 10.

Alisema kuwa walimu hao watafutwa lakini wanaweza tena kutuma maombi katika shughuli mpya ya kuwaajiri walimu ikiwa wanahisi wana ujuzi unaostahili.

Msemaji wa gavana Samuel Aruwan aliiambia BBC kuwa shughuli hiyo itakamilika mwezi Februari mwaka 2018.

Alisema kuwa maombi ya kazi 19,000 yamepokelewa kuziba pengo la walimu hao ambao hawakupata hata alama 75 kwenye mtihani huo.

Vyama vya wafanyakazi hata hivvyo vimepinga hatua hiyo ya kuwafuta walimu.