Alikiba kudhamini Wasafi Festival

Msanii wa muziki wa Bongo Fleva, Alikiba amemjibu Diamond Platnumz kuhusu maombi yake ya kumuomba atumbuize kwenye tamasha la Wasafi Festival.

Alikiba kupitia ukurasa wake wa Instagram, amesema kuwa kwa sasa yupo bize kusambaza bidhaa za Mo Faya katika nchi mbalimbali, hivyo hatoshiriki kwenye tamasha hilo, lakini yupo tayari kuwa mdhamini wa Wasafi Festival kupitia kinywaji chake cha Mo Faya.

Baada ya subra ya muda mrefu, hivi karibuni nitawatangazia bidhaa yetu pendwa ya Mofaya inapatikana wapi na kwa kiasi gani! Pamoja na shughuli rasmi ya kuizindua kitaani.

Pia ndugu zangu #Wasafi tumepata salamu zenu, nashukuru kwa mualiko wenu, ila kwa bahati mbaya sitoweza kushiriki kwa sasa kutokana na majukumu ya kuzindua Mofaya katika nchi zingine. Hata hivyo tusingependa kuwaacha hivi hivi, tupo tayari kuwapa support ya kudhamini tamasha lenu kupitia #MofayaEnergyDrinkili kuweza kusukuma mbele gurudumu la maendeleo ya sanaa yetu Tanzania na Africa . Management #RockstarAfrica yangu tutaendelea kuwasiliana nanyi tuweze kufanya hili jambo kubwa. 

Jumatatu ya wiki hii, kwenye uzinduzi wa Tamasha la Wasafi Festival, Diamond alikaririwa akisema “nitafurahi kumuona kaka yangu Alikiba kwenye Wasafi Festival” huku akiahidi kuwa ataongea na uongozi wake juu ya maombi hayo.