Georgina Wambui


Mwanamke mmoja anaetambulika kwajina la Georgina Wambui aamua kujioa kupitia harusi iliyofana sana. kwani alifanya harusi ya kukata na shoka ambapo amejioa mwenyewe na kuiacha familia yake vinywa wazi.


Dada huyo mwenye umri wa miaka 33 amesema alikuwa na mpenzi siku za awali lakini penzi lao likasambaratika na akaanza kuishi bila ya mume.
Mambo yalizidi kuharibika 2014 baada ya kuhusika katika jali iliyomwacha na majeraha mabaya ambayo hadi leo yamemfanya kuwa mlemavu.


“Baada ya ajali, niliwapoteza marafiki wengi ambao walikuwa karibu na mimi. Jambo hilo lilinibadilisha sana na kunipa nguvu. Niligundua si marafiki wote wa kudumu,” alisema katika mahojiano na mwanahabri wetu.

Mnamo Juni 1, 2018 familia yake ilishangaa sana wakati aliposherekea siku ya kuzaliwa kwake kwa kujinunulia pete na kuwaeleza marafiki kuhusu mapango wa kutaka kujioa mwaka uliofuata. 
Ahadi hiyo ilitimia Juni 1, mwaka huu alipofanya harusi. “Niliamua kufanya hivyo ili kutosheleza nafsi yangu na ila si eti siamini kuna penzi. Nashabikia ndoa pia lakini nimefanya nipendalo na wala si kulingana na vile jamii inataka,” alisema.

Georgina Wambui wakati wa harusi yake ambapo alijioa mwenyewe. 
Wambui aliongeza kuwa alikuwa na matumaini mengi ya kuolewa lakini hakuna mtu aliyejitokeza kumrushia ndoano. 

“Unaweza kuwa umeamua kusubiri, lakini utasubiri mtu maisha yako yote? Nilitaka sana nimpate jamaa anioe lakini sasa hakuna aliyejitokeza,” aliongeza kusema.