Rais Magufuli afanya mabadiliko baraza la mawaziri

RAIS John Magufuli leo amefanya mabadiliko ya baraza la mawaziri ambapo amemteua Angela Kairuki kuwa Waziri wa Nchi Ofisi ya Waziri Mkuu/Uwekezaji.

Naibu Waziri wa Madini Dotto Biteko amekuwa waziri kamili wa madini, na Stanslaus Nyongo kuendelea kuwa maibu waziri wa wizara hiyo.

Rais amemteua Katibu Mkuu Wizara ya Afya Dr. Mpoki Ulisubisya kuwa balozi, kituo chake cha kazi kitatangazwa baadaye, pia Magufuli ametangaza kufungua ubalozi wa Tanzania nchini Cuba ambapo balozi atatangazwa baadaye.

Pia Dr. Zainab Chaula ameteuliwa na Rais Magufuli kuwa Katibu Mkuu Wizara ya Afya.